Ироқнинг Ал-Фаллужа шаҳрига ҳукумат қўшинлари юриш қилиши давомида ИШИД етакчиларидан бири ўлдирилган. Бу ҳақда Sputnik агентлиги хабар тарқатди.

"ИШИД қўмондони Абу Амир ал-Ансорий ўлдирилди, унинг ёрдамчиси Шаджал жароҳатланди", дейилган Ироқ армияси ҳарбий қўмондонлиги ахборотномасида.

Бундан ташқари, шаҳарни жангарилардан озод этиш учун бошланган амалиёт чоғида ИШИДнинг камида 36 нафар жангариси йўқ қилинган.

Бундан олдинроқ, Ироқ бош вазири Ал-Фаллужа шаҳрини ИШИДдан озод этиш учун юриш бошлангани ҳақида эълон қилганди.