Бразилияда 13 май куни Мишел Темер вақтинчалик президент вазифасини бажарувчиси этиб тайинланганди. Импичмент орқали лавозимидан четлатилган Дилма Русефнинг минглаб тарафдорлари Сан-Паулу ва Рио-де-Жанейронинг қатор кўчаларида норозилик намойишлари уюштиришди. Намойиш иштирокчилари ҳозирда президентлик вазифасини бажарувчи Мишел Темернинг ҳаракатларига норозиликларини билдиришди. 

Темернинг истеъфосини талаб қилаётган фаоллар унинг Сан-Паулудаги қароргоҳига келишган. Собиқ вице-президентнинг ўзи эса бир неча соат аввал ўз қароргоҳини тарк этиб, пойтахтга кетган.

Сан-Паулуда намойиш ташкилотчилари акция иштирокчиларининг 2000 нафар кишидан иборат деб баҳолашди. Риода эса тахминан 1000 нафар киши норозилик намойишида қатнашди. 

Мишел Темер атиги 10 кун аввал бу лавозимга тайинланган бўлса-да, унга қарши бир неча марта акция уюштирилди. 

Ҳукумат Темер Таълим вазирлиги билан бирлаштириб юборган Маданият вазирлигини қайта тиклашга ваъда берди. Бундай режа маданият вакилларида қатъий норозилик ҳиссини уйғотди.

Шунингдек, Темер вақтинчалик ҳукумат таркибини фақатгина оқ танли кишилардан шакллантиргани боис қаттиқ танқидга учради. 

Бразилияда бу 1979 йилдан бери таркибида аёллар бўлмаган биринчи вазирлик маҳкамаси бўлди.