Тошкентнинг «Локомотив» футбол клуби футболчилари Умра зиёратини амалга оширишди. Жамоа футболчилари ва ходимлари зиёрат вақтида тушган сурат Facebook’даги саҳифага жойлаштирилган.

Бу зиёрат жамоанинг ОЧЛ нимчорак финалида Саудиянинг «Ал-Ҳилол» клубига қарши 17 май куни кечган учрашувидан олдин амалга оширилган.

Саудия Арабистонида «Ал-Ҳилол» меҳмони бўлган «темирйўлчилар» 0:0 ҳисобида дуранг ўйнаганди.

Мазкур жамоалар иштирокидаги жавоб ўйини 24 май куни Тошкентдаги «Локомотив» стадионида бўлиб ўтади.