Франция вазирлар маҳкамаси раҳбари Мануэль Вальснинг Исроил сафари чоғида берган баёнотига кўра, Франция ИШИД террорчилик гуруҳи жангарилари учун «биринчи рақамли нишон» бўлиб қолмоқда. Бу ҳақда BFMTV телеканали хабар қилган.

«Франция ИШИД учун — биринчи нишондир. Унинг таҳдидлари ҳамон жиддийлигини сақлаб қоляпти», — деган француз бош вазири.

Унинг қўшимча қилишича, террорчилик таҳдидига учраётган барча мамлакатлар, терроризмга қарши курашга юз фоиз қўшилиши керак. 

Бундан аввал, Франция ички разведкаси вакили Патрик Калвар, ИШИД террорчилари Францияда бир қатор террористик хуружларни амалга оширишни режалаштираётгани ҳақида баёнот берган эди.