22 май куни Москва шаҳрида хоккей бўйича жаҳон чемпионати якунланди. Ўз тарихида 80-марта ўтказилган жаҳон чемпионатида Канада терма жамоаси бош мукофотни қўлга киритди.

Океанорти вакиллари ҳал қилувчи финал учрашувида Финляндия терма жамоасидан 2:0 ҳисобида устун келди. 

Аввалига биринчи бўлимда Коннор Макдэвид ҳисобни очди. Ўйиннинг охирги дақиқаларида Мэтт Дюшейн финларнинг бўшаб қолган дарвозасини ишғол қилди - 2:0.

Бу билан Канада ўз унвонини сақлаб қолди. Ўтган йили Чехияда ўтган жаҳон чемпионатида ҳам канадалик хоккейчилар россияликларни мағлубиятга учратган ҳолда жаҳон чемпиони бўлишган эди.

Финляндия – Канада 0:2 (0:1, 0:0, 0:1)
Шайбалар: 11:24 Макдэвид (Дюшейн) – 0:1, 59:59 Дюшейн (Маршан) – 0:2
Зарбалар: 16 (7-4-5) – 33 (10-13-10)
Жарималар: 6 (2-2-2) – 8 (4-2-2)
Финляндия: Косинен (Сарос); Покка, Кивисте, Яакола, Линделль, Хиетанен, Охтамаа; Койву, Ахо, Лаюнен, Лайне, Йокинен, Пюеряля, Коскиранта, Пилстрем, Саллинен, Пуллкинен, Барков, Гранлунд, Комаров, Рантанен
Канада: Тальбо (Пикар); Сеси, Эллис, Мэтисон, Танев, Дамба, Мюррей, Райлли; Холл, Дюшейн, Галлахер, Доми, Брассар, Райнхарт, Перри, Дженнер, Шайфли, Стоун, Маршан, О`Райлли, Макдэвид.