Адиз Ражабов Ғайбулла Ҳожиевни 60 ёши билан қутлади 

Актёр Адиз Ражабов устоз санъаткор, Ўзбекистонда хизмат кўрсатган артист Ғайбулла Ҳожиевнинг суратини ижтимоий тармоқдаги саҳифасида жойлаштириб, уни таваллуд куни билан табриклади. Ғайбулла Ҳожиевнинг сурати остига қуйидаги дил изҳорларини битди.
“Бугун ажойиб актёр, самимий ва олийжаноб инсон Ғайбулла Ҳожиевнинг таваллуд айёмлари! Устоз 60 ёшингиз муборак бўлсин. Ҳамиша ёш ва навқирон бўлиб юринг. Фарзандларингиз ва набираларингизнинг роҳатини кўриб юринг”. 

Ижтимоий тармоқлар орқали Даврон Кабулов ва рафиқаси Эъзозанинг илк сурати тарқалди

Бир оз аввал хабар берганимиздек, бугун телебошловчи, шоумен, “Миллон” жамоаси вакили Даврон Кабулов уйланмоқда!
Даврон Кабуловнинг бўлажак рафиқаси Эъзоза билан тушган илк сурати аввалига сураткашлардан бирининг ижтимоий тармоқдаги саҳифасида жойлаштирилиб, кейинчалик бир неча интернет саҳифалари орқали тарқалди. 
Даврон Кабуловнинг тўйи Тошкентда жойлашган муҳташам тўйхоналарнинг бирида бўлиб ўтади.  

Мухлислар Лоланинг очиқ-сочиқ либосларини танқид қилишда давом этмоқда 


Хонанда Лола Йўлдошева ўзбек менталитетига зид бўлган очиқ либосда саҳнага чиққанлиги учун “Ўзбекнаво” эстрада бирлашмаси томонидан танқидга учраб, лицензияси олиб қўйилган эди. Яқинда лицензиясини қайтариб олган хонанда ижтимоий тармоқдаги саҳифасида яна очиқ-сочиқ либосларда  намоён бўлмоқда.

Манзура Баруннинг инсонийлик фазилатларига тўхталди... 

Телеканалларнинг бирида намойиш этилаётган “Муҳаббат тафти” ҳинд сериалида бош роллардан бирини ижро этган Барун Собти Тошкентда меҳмон бўлди. 
“Тўйлар муборак” фестивали қошида бўлиб ўтган учрашувда Барун Собтини мухлислар яхши кутиб олишган. Ушбу жараёнлар муҳрланган бир жуфт суратларни инстаграмдаги саҳифаси орқали бўлишган Манзура Аруннинг 40 та давлат бўйлаб сериал юзасидан учрашувда қатнашганини, унинг самимий ва очиқкўнгил инсон эканлигини қайд этди. 

Модельер-дизайнер Шаҳзода Муҳаммедова кийган либос мухлислар томонидан танқид қилинди

Модельер-дизайнер, актриса Шаҳзода Муҳаммедова инстаграмдаги саҳифасида жойлаштирган суратда мухлисларга ёқмайдиган либосда намоён бўлди. Суратда Шаҳзода Муҳаммедова ранг-баранг матолар жойлаштирилган пештоқларга боққанча ҳаёлга толган. Хойнаҳой янги либос устида иш олиб бораётган бўлса ажаб эмас. 

Муниса Ризаева илк маротаба отасини мухлисларга таништирди


Муниса Ризаева оммавий ахборот воситаларида берган интервьюсида ота онаси ҳақида кўп маротаба сўзлаган, аммо уларнинг суратини мухлисларга ошкор этмаганди. Куни кеча инстаграмдаги саҳифасида отасининг суратини жойлаштирган хонанда сурат остига дил сўзларини ёзиб қолдирди. 

Райҳон эгизакларига яхши она бўлишга ҳаракат қилмоқда

Интервьюларнинг бирида ижод билан банд бўлиб, фарзандларига камроқ вақт ажратаётганидан ташвишга тушган Райҳон Ғаниева энди кўпроқ вақтини уларга сарфлашга уринмоқда. Фарзандлари билан ўтказаётган ҳар бир дақиқасини суратларга муҳрлаб,  инстаграмдаги саҳифаси орқали бўлишиб бораётганидан хонанданинг яхши она бўлишга интилаётганини пайқаш қийин эмас.

Сардор Раҳимхоннинг онаси “инстаграмчилар”га  салом йўллади


Сардор Раҳимхон ижтимоий тармоқдаги саҳифасида онасининг суратини жойлаштириб, онаси инстаграм фойдаланувчиларига салом йўллаганини қайд этди.