Бугун 23 май куни Туркиянинг Истамбул шаҳрида жаҳон тарихида илк маротаба Бутунжаҳон гуманитар саммити ўз ишини бошлади. У умуминсоний қадриятларга туртки бериш мақсадида ташкил этилган, деб хабар қилмоқда БМТ янгиликлар маркази. 

БМТ бош котиби Пан Ги Мун ташаббуси билан ўтказилаётган Саммитда 177 давлат вакиллари, шу жумладан, 65та давлат ва ҳукумат раҳбарлари қатнашмоқда. Саммит кун тартиби инсонпарварлик соҳасида 5та асосий йўналишни қамраб олади:

— зиддиятларга барҳам бериш ва олдини олиш;
— жанговар ҳаракатлар олиб бориш қоидаларига риоя этиш;
— ҳеч ким унутилмаслиги керак;
— эҳтиёжларга барҳам бериш усулларини ўзгартириш;
— бутун инсоният манфаатларини ҳимоя қилиш учун сармоя киритиш.

Ушбу халқаро Форум икки кун давом этади, 7та музокаралар давраси, 15та махсус сессиялар бўлиб ўтади. Юзлаб мавзуда анжуманлар ташкил этилади.