Суриянинг Латақия вилояти ҳудудида жойлашган Жабла шаҳридаги автобекат қаршисида 3 марта портлаш рўй берди. Бу ҳақда маҳаллий нашрларга таяниб, Рейтер агентлиги хабар тарқатган.

Маълум қилинишича, Латақия марказидан 18 км масофадаги бу порт шаҳарда юз берган портлаш оқибатида қурбон бўлганлар ва жабрланганлар бор. Уларнинг сонига аниқлик киритилмаган.

Қайд этилишича, бу портлашлар террорчилик акти бўлиши мумкин.

Ikhbariya TV телеканали маълумотига кўра, бу портлаш террорчи худкуш томонидан содир этилган.

Sputnik агентлиги хабарига кўра, бу вақтда шаҳар артиллериядан ҳам ўққа тутилган.

Баъзи манбаларда Тартус шаҳрида теракт содир этилгани айтилган.