Lenovo YouTube каналида Motorola RAZR V3 иштирок этган “тарихий” тизер пайдо бўлди. Бу йўл билан компания асли Android афсонавий очилиб-ёпиладиган телефон моделларини қайта ишлаб чиқаришга ишора қилган бўлиши мумкин. Бу ҳақда Engadget ёзмоқда

Роликда компания 2000-йилларнинг бошида ёшлар ўртасида оммалашиб кетган RAZR V3 телефонини намойиш этади. Ўта ингичка, ўта енгил, клавиатура ёритгичи билан, магний ва алюминий корпусли ҳамда турли-туман ранглар – ихчам ва кўп функцияли очиб-ёпиладиган телефон тез орада машҳур бўлиб кетган эди. 

2004 йили сотувга чиққач, икки йил давомида Motorola ўртача 700 доллардан 50 миллиондан ортиқ RAZR V3 телефонларини сотди. Жами эса ушбу модель 130 миллиондан кўп сотилган. Таққослаш учун – 2015 йилда Apple 700 миллион айфон сотган.

2016 йил 9 июнда айнан нима намойиш этилиши номаълум. Engadget нашрга кўра, Lenovo Tech World конференцияси бошланадиган куни ушбу серия Android асосида қайта тақдим этилиш эхтимоли мавжуд. Бироқ видеога “Razr ўтган кунларини ёдга олинг ва келажакка тайёрланинг” деб берилган изоҳ шунчаки Motorola тайёрлаётган янги анонслар ҳақида бўлиши ҳам мумкин.