Покистон ТИВ АҚШ ҳарбий ҳаво кучларининг «Толибон» гуруҳи етакчиси мулла Мансурга нисбатан берган зарбасини Покистон ҳаво кенгликларини бузиш деб атади. Вазирлик баёнотига кўра, мазкур ҳарбий амалиёт Покистон ҳаво чегарасини бузиш натижасида амалга оширилган, деб хабар қилмоқда РИА «Новости» ахборот агентлиги.

«2016 йилнинг 21 май куни кечқурун АҚШ маъмурияти тарқатган маълумотга кўра, учувчисиз самолёт зарбаси Покистоннинг Афғонистон билан чегарасида амалга оширилган», —дейилади хабарномада.
 
Ташқи ишлар вазирлигида айтишларича, ушбу ҳаво зарбаси Покистон "давлат суверенитети"ни бузишдир. 

Бундан аввалроқ, Афғонистон бош вазири Абдулла Абдулла «Толибон» етакчиси мулла Ахтар Мансурнинг ўлимини тасдиқлаган эди. Унинг маълум қилишича, ҳаво зарбаси АҚШ ҲҲК дрони ёрдамида Покистоннинг Белужистон вилояти Кветта шаҳрида амалга оширилган.