Россия президенти Владимир Путин 27-28 май кунлари Грецияга расмий ташриф буюради. Бу ҳақда президент ёрдамчиси Юрий Ушаков берган маълумотга асосланиб РИА Новости хабар қилди. 

Кремль расмий сайтида ёзилишича, ташриф давомида Путин президент Прокопис Павлопулос ва бош вазир Алексис Ципрас билан учрашади. 

Икки томонлама савдо-иқтисодий ва сармоя ҳамкорлиги масалалари муҳокама этилиши кутилмоқда. 

“Асосий эътибор маданий-гуманитар ҳамкорликка қаратилиши режалаштирилган. Жумладан, 2016 январда бошланган Россия ва Греция Хоч йиллари ҳамда 2016 йилда Афон муқаддас тоғида рус иштирокининг минг йиллигини нишонлаш масалалари муҳокама қилинади”, - дейилади хабарда.