Красноярскда уч нафар ўсмир такси ҳайдовчиси ўлдирганликда гумон қилинмоқда.

Дастлабки тахминларга кўра, 16 ёшдан 18 ёшгача бўлган уч ёш йигит таксига ўтиради ва ҳайдовчи билан тортишиб қолади. Йўловчилардан бири ҳайдовчининг бўйнига пичоқ урган. Оғир жароҳатдан эркак жон таслим қилади. Қабиҳ ўсмирлар машинада қочиб кетмоқчи бўлган, бироқ автомобиль ўчиб қолгани учун уни ёқиб юборишади.

23 майга ўтар кечаси полицияга 1967 йилда туғилган эркак жасади ҳамда ёнаётган автомобиль тўғрисида хабар қилинди. 

Қотилликка қаноат қилмаган манқуртлар ўша кечаси бошқа бир йўловчига пичоқ билан таҳдид қилиб мобил телефонини тортиб олишган. Ҳуқуқни муҳофаза қилиш орган ходимлари жиноятчиларни қўлга олди. Ҳозир уларга нисбатан жиноий иш қўзғатилган. Ўсмирларга 15 йилгача озодликдан маҳрум қилиш жазоси хавф солмоқда.

Куннинг энг асосий ва қизиқ хабарларидан тезкор равишда хабардор бўлиш учун «Kun.uz»нинг Telegram’даги каналига аъзо бўлинг.