Таиланднинг шимолий қисмидаги ётоқхонадан чиққан ёнғин натижасида 17 нафар қиз ҳалок бўлди, икки нафари эса изсиз йўқолди, деб хабар берди BNO News.

Воқеа маҳаллий вақт билан соат кечки 11ларда Чианграй провинциясидаги Вианг Па Пао мактабида содир бўлган. 

Маҳаллий полиция бўлимида ҳалок бўлган қизлар 5 ёшдан 12 ёшгача бўлишгани маълум қилинган. Шунингдек, 5 нафар қиз жиддий жароҳат олиб, касалхонага етказилган, 14 нафар қиз эса ёнғиндан омон чиқишга муваффақ бўлган. 

Ҳозирга қадар ёнғиннинг ўчирилганлиги таъкидланди. Унинг келиб чиқиш сабаблари ўрганилмоқда.