Toyota компанияси ҳамда америкалик ихтирочи ва Segway гироскопли электрон самокати муаллифи Дин Кейменнинг DEKA фирмаси iBOT ногиронлар аравачасининг иккинчи авлодини яратиш учун ўз имкониятларини бирлаштиришди. Бу ҳақида Paralyzed Veterans of America хайрия ташкилотининг 70-конференциясида маълум қилинди. 

Компаниялар анонс билан биргаликда iBOT 2 аравачасининг прототипини чоп этишди. Toyota'нинг вазифаси нимадан иборат ҳамда янги ногиронлар аравачасининг қачон сотувга чиқиши номаълум. 2014 йилда Кеймен креслонинг янгича кўриниши икки йил ичида тайёр бўлишини эълон қилган.

2000 йилларнинг бошларида Кеймен iBOT'ни ихтиро қилган. Аравача гироскоплар, кўплаб электрон бошқарувлар ва устма-уст жойлашган икки жуфт ғилдиракка эга эканлиги билан ажралиб турарди. Ғилдираклар ўз ҳолатини ўзгартириб, ногиронларга зинадан чиқиш имконини яратар эди. 25 минг долларга баҳоланган iBOT сотуви таназзулга учради ва Кеймен янги авлод креслосини ишлаб чиқишга киришди. 

2016 йилда BMW компанияси АҚШ паралимпия жамоаси учун пойга аравачасини тайёрлади. Атлетлар ундан сентябрда Рио-де-Женейрода бўлиб ўтадиган ўйинларда фойдаланишади.