АҚШ собиқ президенти Жимми Картер республикачилардан давлат раҳбарлигига номзод Дональд Трампни ҳозирги президент Барак Обамага нисбатан ирқчиликка йўл қўйганликда айбламоқда. Бу ҳақда у The New York Times нашрига берган интервьюсида маълум қилди.

Картернинг айтишича, республикачилар, хусусан Трамп ирқчилик нуқтаи назаридан Обамага нисбатан душманона кайфиятда. Бу эса, унингча, АҚШда ирқчилик муаммоси ҳамон сақланиб қолганини намойиш этади. 

“Мен сўнгги икки-уч йилда бизнинг давлатимиз ирқчилик муаммосини етарли ҳал қила олмаганимизни тушуниб етди деб ҳисоблайман”, - маълум қилди собиқ президент. 

Картер президентлик курсиси пойгаларида Трампнинг муваффақиятидан ҳайрон эмас. Унинг тахминига кўра, АҚШдан мексикаликларни чиқариб юбориш ҳамда мусулмонларнинг киришини тақиқлашга даъват этаётган миллиардер “тўпланиб қолган ирқчилик душманлиги заҳирасини ташқарига чиқариб юборди”.