Японияда 2016 йил 16-22 майгача бўлган 1 ҳафта муддат давомида иссиқ уришидан 688 кишига тиббий ёрдам кўрсатилган. Япония ўт ўчириш, фавқулодда вазиятлар ва тез тиббий ёрдам кўрсатиш бош бошқармасининг маълум қилишича, шифохонага ётқизилганларнинг ярми 65 ёшдан катталардир. 

Жазирама туфайли ўлим ҳолати қайд этилмаган. Умуман, сўнгги бир ой мобайнида 1,7 мингга яқин япон фуқароси ўта иссиқ ҳароратдан азият чеккан, бир киши ҳаёт билан видолашган. 

Ўтган ҳафта охиридан бошлаб, мамлакатнинг марказий қисмида иссиқ ҳарорат ўрнашиб олган. Хусусан, пойтахт минтақасида ҳаво ҳарорати Цельсий шкаласи бўйича 30 даражадан кўтарилмоқда.