Американинг Apple корпорацияси, ўзининг бутловчи қисмлар етказиб берувчи пудратчиларига йилнинг охиригача, 72-78 миллион дона iPhone 7 учун қисмлар етказиб беришни сўраб мурожаат қилган, деб хабар қилмоқда Тайваннинг Economic Daily нашри.

Айтиш жоизки, бу сўнгги икки йилда компаниянинг алоҳида бир моделини катта миқдорда ишлаб чиқариш бўйича рекорд кўрсаткичдир. Таҳлилчилар, компания жорий йилда “Айфон 7”дан 65 миллион дона ишлаб чиқаришини тахмин қилишган эди. 

Нашр маълумотларига кўра, Тайваннинг Foxconn компанияси (Hon Hai Precision Industry Co. номи билан ҳам машҳур) iPhone 7 нинг асосий таъминловчиси бўлиб қолади, Pegatron Corp. компанияси ҳам смартфонларни йиғишда иштирок этади. 

Иккала компания ҳам, бозордаги улушини, иккиталик камера, смартфон корпуси шиша қисмларини ишлаб чиқиш билан кўпайтириб олиши мумкин, деб ёзмоқда газета.  

Янги iPhone 7 смартфони 2016 йил куз мавсумида тақдим этилиши кутиляпти.