АҚШлик машҳур қўшиқчи Кристина Агилеранинг марҳум қўшиқчи Уитни Хьюстон голограммаси билан ақлбовар қилмас ижроси интернет аҳлини ҳайратга солди. Кўпчилик учун бу ижро видеоси ҳақиқий шок ва ҳаттоки Уитни ҳаёт бўлиб, бутун дунё бўйлаб миллионлаб мухлисларини хушнуд этган замонларга қайтарган вақт машинаси каби бўлди, деб ёзмоқда Hochu нашри.

Таъкидлаш жоизки, голограмма билан мусиқий ижро технологияси биринчи маротаба Coachella фестивалида пайдо бўлган. Ўшанда реп ижрочилар Snoop Dogg ва Dr. Dre 1996 йилда отиб ўлдирилган марҳум реп ижрочи 2Pac’нинг голограммаси билан мусиқа ижро этишган. Мухлислар бундай тажрибаларни доимо қизғин қабул қиладилар, чунки бу севимли артистингга яна бир бор қараш имкониятидир.

Бу видео намойиш қилиниши керак бўлган дастур 24 майда чиқарилиши керак эди, бироқ Хьюстоннинг меросхўрлари бунга қаршилик кўрсатишди ва чиқиш бекор қилинди. Бироқ бу видео интернетга чиқиб кетишга улгурди.

Афсонавий америкалик қўшиқчи Уитни Хьюстон 2012 йил 11 февралда 48 ёшида Беверли-Хиллзда злик ҳолда топилган. Шунингдек, унинг қизининг тақдири ҳам аянчли якунланди. Қиз ўз уйининг ваннахонасида ҳушсиз ҳолатда топилган ва 6 ойлик кома ҳолатидан кейин ўзига келмай вафот этган.