ОАВ: Луи ван Гаал ўзининг ишдан бўшатилиши ҳақида Моуриньо билан телефон мулоқотидан кейин билган

Спорт 24 Май 2016 4350

"Манчестер Юнайтед" жамоасининг собиқ бош мураббийи Луи ван Гаал ўзининг ишдан бўшатилиши ҳақида португалиялик мутахассис Жозе Моуриньо билан телефон орқали мулоқот қилганидан кейин билган. Бу ҳақда Mirror хабар тарқатди.

23 май куни кечқурун "МЮ" расман ван Гаални истеъфога чиқарди. Унинг ўрнини айнан Жозе Моуриньо эгаллаши кутилмоқда.

"Луи ван Гаал ўзининг "МЮ"дан кетиши ҳақида ўзидан кейин жамоада бош мураббий бўлувчи Жозе Моуриньо билан телефон мулоқотидан кейин билган", деб ёзилади хабарда.

64 ёшли ван Гаал "МЮ"ни 2014 йилнинг майидан буён бошқариб келмоқда. У билан шартнома муддати 2017 йилнинг ёзига қадар тузилганди.

3 кун олдин у жамоа билан Англия Кубоги финалида зафар қучганди. Лекин у ўша куни мухбирлардан бирининг ўз келажаги хусусида берган саволига "барчаси тугагани" ҳақида айтганди.

Унинг мураббийлигининг биринчи йилида "Манчестер Юнайтед" мавсумни тўртинчи ўринда якунлади ва ЕЧЛ йўлланмасига эга бўлди. Лекин жамоа ЕЧЛни гуруҳ босқичида якунлади. "Вольфсбург", ЦСКА ва ПСВ  жамоалари билан бир гуруҳдан жой олган "МЮ" учинчи ўринни эгаллади ва Европа Лигасида курашни давом эттирди. Бу турнирдаги иштирок "Мидтьюлланд" тўсиғидан ўтиш ва кейинги босқичда "Ливерпуль"дан ортда қолиш билан якунланди.

АПЛда эса жамоа бешинчи ўринни эгаллади ва кейинги мавсумда ЕЧЛда иштирок эта олмайдиган бўлди.

Моуриньо Англиянинг бошқа бир жамоаси "Челси"ни 2 марта бошқарган. Аввалига, 2004 йилдан 2007 йилгача ўтган даврда у жамоа билан 2 марта Англия чемпионлигига эришган. Шунингдек, 2007 йилда Англия Кубогида, 2005 ва 2007 йилларда Англия Лигаси Кубогида, 2005 йили Англия Суперкубоги финалида ғолиб чиққан.

У Лондон жамоасидан биринчи марта кетиши ЕЧЛдаги муваффақиятсиз иштирок туфайли бўлди. Шундан кейин Моуриньо 2008-2010 йилларда "Интер"ни, 2010-2013 йилларда эса "Реал"ни бошқарди.

2013-14 йилги мавсум арафасида ушбу мутахассис "Челси"га қайтди. Унинг раҳбарлигида жамоа 2014-15 йилги Англия чемпионатида ғолиб чиқди ва Англия Лигаси Кубогини қўлга киритди. Лекин ўтган йилнинг 17 декабрида у қониқарсиз натижалар туфайли истеъфога чиқарилди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 45403 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15318 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95340 Ўзбекистон
Барселонадаги теракт ва Каталониянинг Альканар шаҳридаги портлашлар ўзаро боғланган бўлиши мумкин
08:18 2 Жаҳон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 185 Жаҳон
Европада Барселонадаги терактлардан кейин хавфсизлик чоралари кучайтирилди
08:01 267 Жаҳон
Барселона яқинида яна бир теракт амалга оширилди
07:08 1652 Жаҳон
Барселонадаги теракт учун жавобгарликни ИШИД ўз зиммасига олди
07:03 1631 Жаҳон
Хитойдаги кимё заводида кучли портлаш юз берди
00:33 3032 Жаҳон
Кекса немис Исландияга эски тракторда саёҳатга жўнади
00:24 1972 Жамият
Кўпроқ янгиликлар