Жанубий Кореянинг миллий бирлашиш ишлари вазирлигининг тасдиқлашича, 24 май куни Хитойдаги ресторанлардан бирида ишловчи бир гуруҳ КХДР фуқаролари навбатдаги қочишни уюштирган. Уларнинг асосий мақсади Корея яриморолига етиб бориш бўлган.

23 май куни “Рёнхап” агентлиги берган маълумотга кўра, Хитойнинг Сиань шаҳридаги ресторанлардан бирида ишловчи уч нафар КХДР фуқароси Жанубий Кореяга қараб қочган. Айнан шу куни Шанхайдаги корейс ресторанида ишловчи уч нафар КХДР фуқароси Таиланд орқали Сеулга ўтишга ҳаракат қилган.

"Хорижда ишловчи шимолий кореяликларнинг қочишгани, рост гап. Айни пайтда биз уларнинг қаерда эканликларини тасдиқлай олмаймиз", — деди вазирлик томонидан ўтказилган брифингдан иқтибос келтирирар экан агентлик манбаси.