Туркия президенти Ражаб Тойиб Эрдўған агар Туркия учун Европа билан визасиз тартиб киритилмаса, Европа Иттифоқига миграцион келишувдан воз кечиш билан таҳдид қилмоқда. Эрдўған Европа Иттифоқига турк фуқаролари учун визалар 30 июнгача бекор қилиниши кераклигини эслатиб ўтди.  

"Агар визани бекор қилиш ҳақидаги қарор қабул қилинмаса, Туркия парламенти Европа Иттифоқи билан миграцион келишувни маъқулламайди", деб айтди сиёсатчи.

Эрдўған Европа Иттифоқи томондан Анқарага қўйилаётган талабларнинг асоссиз эканлигини айтди. Шу билан бирга у Европа Лотин Америкаси давлатларига визаларнинг бекор қилиниши учун ҳеч қандай талаблар қўймаётганига эътиборни қаратди. "Нима учун қандайдир мезонларнинг бажарилишини биздан талаб қилишмоқда? Биз маълум вақтгача кутамиз, сабр қиламиз, бироқ кейин "маъзур тутасиз" деймиз", деб Туркия президенти айтган сўзларни келтириб ўтди РИА “Новости” ахборот агентлиги.   

Эслатиб ўтамиз, 18 мартда Брюсселдаги саммитда Анқара ва Европа Иттифоқи билан келишувга эришилган. Туркия ўшанда Грецияга Туркия орқали келаётган муҳожирларни тўхтатишга рози бўлган, бироқ бунинг эвазига Европа Иттифоқидан ўз фуқаролари учун виза тартибини бекор қилишни талаб қилган.