Канада қирғоқларида бирданига иккита ноёб кўк лобстер тутиб олинди, деб хабар бермоқда The Mirror нашри. Бу Янги Шотландия вилоятида юз берди.

Блейн Марш ва Скотт Маккиннон турли жойларда балиқ овлашаётганда ноёб рангдаги қисқичбақаларни тутишга муваффақ бўлишди. Кўк омарни тутиш имконияти миллионга бир сифатида баҳоланади, деб эслатмоқда газета.

"Балиқчилар учун бу омад белгиси", деб айтди Маршнинг онаси Мэри. У бу йилги "омар мавсуми" омадли бўлишига умид билдирди. Лобстерга Қоравой деб лақаб беришди ва қўйиб юборишди.

Маккиннон тутган омарга эса Опал деб лақаб берилди. Канадаликнинг айтишича, у лобстерни мавсум охиригача ўзида қолдириб, сўнгра қўйиб юбормоқчи. "Биз омадни яна океанга қўйиб юборамиз", деб ваъда берди эркак.