Россия томонидан асирликда сақлаб келинган украиналик учувчи Надежда Савченко ватанига қайтарилган. Бу ҳақда Украина президенти маъмуриятидаги манбага асосланган ҳолда Associated Press хабар тарқатди.

Манбанинг маълумотига кўра, у Украинада асирликда бўлган россиялик ҳарбийлар Евгений Ерофеев ва Александр Александровга алмаштирилди. Россиялик асирлар ҳам айни вақтда ватанига қайтган.

Икки томондан самолётлар деярли бир вақтда ҳавога кўтарилган.

Айни вақтда икки самолёт ҳам манзилга қўнган. Савченкони олиб қайтиш учун Украина президенти Петро Порошенконинг самолёти Ростовга учган.

Бундан олдинроқ, асирларни алмашиш бўйича жараён кетаётгани ҳақида хабар берилганди.