«Пари Сен-Жермен» жамоаси ҳужумчиси Златан Ибраҳимович «Манчестер Юнайтед»га ўтишга розилик бергани ҳақидаги хабарлар тасдиқланмади.

Sky Sports нашрининг 34 ёшли ушбу футболчига яқин манбага асосланиб хабар беришича, футболчи клуб билан ҳеч қандай келишувга эга эмас.

Хабарда айтилишича, Ибраҳимович «Манчестер Юнайтед» томонидан қизиқиш билдирилган марказий ҳужумчи амплуасидаги футболчилардан бири холос.

Бундан олдинроқ, Ибраҳимович «МЮ» билан «1+1» кўринишида шартнома тузгани ва 2 йил давомида у 34 млн фунт ишлаши мумкинлиги ҳақида хабарлар пайдо бўлган, қолаверса у Жозе Моуриньо жамоага бош мураббий бўлса, келгусида унга ёрдамчилик қилиши мумкинлиги айтилганди.

Маълумот учун, июль ойида Ибраҳимович эркин агентга айланади.