“Пойтахт” бизнес маркази ёнидаги бекатда ўйиб қўйилган чуқурликка 9 яшар болакай тушиб кетишига бир бахя қолди

Жамият 25 Май 2016 5394

Иш вақти тугаганидан сўнг уйга қайтаётиб, ҳар галгидек бекатда уйимга олиб борувчи маршрутни кута бошладим. Мени уйга олиб борувчи маршрут тўхтайдиган жой “Мустақиллик” майдони, “Пойтахт” номли баланд бизнес маркази иморати ёнида жойлашган.  Ҳозир мен тўхталмоқчи бўлган мавзу сиз суратда кўриб турган, мана бу чуқурлик тўғрисида...

Соат 19:40 лар чамаси бекатга келиб тўхтаган автобусга йўловчилар чиқиб олди. Суратда юзи тўсилган болакай эса уйига олиб борувчи автобусни кутиб,  ушбу бекатда биринчи маротаба турган бўлса керак, ҳайдовчидан  бормоқчи бўлган манзили томондан автобуснинг ўтиши ўтмаслигини сўраб қайтгач, ҳаёл билан бекатдаги чуқурликка орқа ўгириб келаётиб унга тушиб кетишига бир баҳя қолди.  Яхшиямки, ўз вақтида ўгирилгани, акс ҳолда жуссаси кичкина, озғиндан келган бола чуқурликка тушиб кетган, уёқ буёғи лат ейиши мумкин эди... 

Бола қоқилиб кетмаганидан хурсанд бўлиб, ўриндиққа бориб ўтиргач бир зум чуқурликка қараб ўйланиб қолди...  

Ачинарлиси, ушбу ҳолат биринчи маротаба такрорланаётгани йўқ. Очиғи, ўзим ҳам бир маротаба шу чуқурликка тушиб кетишимга бир баҳя қолган. Ҳар гал иш вақти тугаганидан сўнг уйга қайтаётиб, чуқурликка термилиб қоламан. Нима мақсадда ўйиб қўйилган ўзи? Наҳотки атрофини темир терсак билан беркитиш ёки темир панжара билан ёпиб қўйишнинг иложи бўлмаса? Тасаввур қилинг, тўрт беш яшар бола шу чуқурликка тушиб кетса ёки ёши улуғ бирор қария қоқилиб кетса... шўрликнинг  бирор аъзоси лат емай қолишига ким кафолат беради?  Қайсидир мақсадда олиб ташланган чуқурлик юзидаги панжара нега аввалги ҳолидек беркитиб қўйилмади? 

Ушбу саволлар билан Тошкент шаҳар йўл қурилиш ва таъмирлаш хизмати идорасига сим қоқдим. Қўнғироқларимиз жавобсиз қолгач,  Тошкент шаҳар йўл қурилиши бошқармасида фаолият юритиб келаётган, лавозимини сир тутган Т.Алиев исмли шахс биз назарда тутаётган чуқурлик айнан қаерда жойлашганини сўраб билиб олди ва туман йўлни таъмирлаш хизмати билан шуғулланувчи йигитларга айтиб қўйишини, бу масала ўз вақтида ҳал бўлишига ваъда берди. 

Демак, натижасини кутамиз. 

Зеро, соҳа мутахассислари бир оз ўз ишига маъсулиятлироқ бўлишса, ўйлаймизки, бу билан кўринишидан кичикдек туюлаётган масаланинг катта ёқимсиз ҳолатга айланишининг олди олинган бўларди...

Моҳичеҳра Эшмирзаева

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28560 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15287 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56401 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 1965 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1539 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 5776 Жамият
Германияда Трамп боши шаклидаги гиёҳванд моддали таблеткалар аниқланди
00:21 1538 Жаҳон
Сербия Ҳиндистон ва Эрон фуқаролари учун визани бекор қилди
00:18 1234 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1801 Жаҳон
Кўпроқ янгиликлар