Буюк Британиядаги энг ёлғиз кучукни олти йил ичида 18 минг маротаба боқиб олиш фикридан бош тортишди, деб хабар беради The Mirror.

Фрейя – олти ёшли стаффордширлик бультерьер. У олти ойлик вақтида Ливерпулдаги Freshfields Animal Rescue етимхонасига тушиб қолади. Марказ ходимлари ташриф буюрувчилар итни доим эътибордан четда қолдирганлиги сабабини тушуна олишмади. 

Эндиликда етимхона маъмурияти «ёқимтой» ва «самимий» Фрейининг ўз уйини топиш имконияти камайганидан ташвишда. Сабаби кучукка эпилепсия ташхиси қўйилди.

«У жуда ҳам ажойиб қизча, меҳрибон ва самимий дўст. У бизнинг катта фарзандимиздир», – дейди Freshfields ходими Кейт Жонс. У Фрейининг ҳасталиги кучукни боқиб олиш истагидаги кишиларни қўрқитмаслига умид қилмоқда.