Испания фуқаролик гвардияси нархи 200 минг еврога баҳоланган фил дандон тишлари партиясини мусодара қилди. 

Полиция маълум қилишича, 744 кг лик, 74 та дандон тишдан иборат партия апрелда Мадриддан жанубда жойлашган Кольменар-де-Ореха муниципалитетида аниқланган. Франс Пресс агентлигининг таъкидлашича, тишлар эгаси 1970 йилда Мозамбикда берилган қалбаки ов қилишга лицензиядан фойдаланиб, тишларни сотмоқчи бўлган. Таъкидланишича, тишлар йўқ бўлиб кетиш хавфи остида турган Африка филлари туридан бирига тегишли бўлган. 

Эркакка ҳужжатларни қалбакалаштириш, контрабанда ва ёввойи табиатга хавф туғдириш бўйича айбловлар қўйилган.

Фил дандон тиши – турли ҳашамат буюмларини яратишда қимматли материал ҳисобланади. Фил суягини халқаро миқёсда сотишга тақиқлов 1989 йилда киритилган. 2002 йилда БМТ фил тиши билан савдо қилишга қисман рухсат берган. Бир нечта давлатгина бу тишлардан муайян белгиланган миқдорда сотиши мумкин бўлган. 2004 йилда БМТ бир нечта Африка давлатлари иқтисодиётини қўллаб-қувватлаш учун маҳаллий ҳукуматнинг қатъий назорати остида тақиқловни янада юмшатишга мажбур бўлган. Бироқ бу шартга амал қилинмаганли сабабли фил тишини сотиш 2006 йилда яна тўхтатиб қўйилган..