«Реал» жамоаси ҳужумчиси Криштиану Роналду яқин вақт ичида «Манчестер Юнайтед» жамоасига бош мураббий этиб тайинланиши кутилаётган Жозе Моуриньо бу жамоани АПЛ турнир жадвалининг юқори қисмига қайтаришига умид қилишини билдириб ўтди.

«Моуриньо „Юнайтед“га тайинладими? Ўйлайманки, бу тўғри қарор. Умид қиламанки, “манкунианлар” сўнгги йилларда йўқотган мавқеларини тиклайди ва юқори чўққиларга чиқади. Менга "МЮ"ни бу аҳволда кўриш оғир, ахир мен бу жамоани юрагимнинг бир четига яширганман. Моуриньо “қизил иблислар”ни юқори ўринларга қайтаришини ҳохлайман», — деди Jugones телеканалига берган интервьюсида.