Россия ИИВ экстремизмга қарши кураш бош бошқармаси вакили Денис Корниковнинг маълум қилишича, ҳозирги вақтда, турли давлат идоралари, хусусан, Хавфсизлик хизматида террорчилар учун махсус қамоқхоналар ташкил этиш масаласи кўриб чиқилмоқда. 

РИА «Новости»нинг хабарига қараганда, терроризм ва экстремизм учун жавобгарликни қатъийлаштирадиган «аксилтеррор» қонун лойиҳалари  Давлат думаси муҳокамасига киритилган. 

Уларга кўра, икки ёки ундан кўп фуқароликка эга шахс, террорчилиги учун судланган тақдирда, Россия фуқаролигидан маҳрум этиш кўзда тутилган. 

Бундан ташқари, террорчиликни ошкора тарғиб қилиш ёки интернетда терроризмни ёқлаш ёинки маъқуллаш учун 1 млн рубль миқдорида жарима солиш ёки 5 йилгача қамоқ жазоси тайинлаш илгари сурилмоқда.