Уильям Шекспирнинг биринчи босилиб чиққан асарлар тўплами Christie's аукционида деярли 3,6 млн АҚШ долларига сотилди. Бу ҳақда аукцион уйининг сайтида маълум қилинган.

Аукцион Шекспир вафотининг 400 йиллиги муносабати билан ўтказилган.

Биринчи ва кам учровчи асарлар тўплами 1623 йилда босилиб чиққан бўлиб, унда 36 та пьеса бор. Улардан 18 таси илгари чиқмаган. Аввалига нашр 1,1-1,7 млн долларга баҳоланди ва якунда 2,7 млн долларга сотилди. 1632, 1664 ва 1685 йилларда чиққан учта кичик асарлар эса 281,6 минг, 524,9 минг ва 68,8 минг долларга сотилган.


The Daily Mail газетасининг ёзишича, барча лотлар исмини ошкор этилмаган америкалик коллекционер томонидан сотиб олинган.