Украина 2020 йилга келиб, тўлиқ маҳаллий газ истеъмолига ўтишни режалаштирмоқда. Бу ҳақда Украина энергетика ва кўмир саноати вазири Игорь Насалик маълум қилди, деб хабар қилмоқда «УНИАН» ахборот агентлиги.

Насаликнинг айтишича, бу вақтга келиб, Украина қазиб оладиган табиий газ миқдори 7,5 млрд кубметрга ортиши керак. 

Аввалроқ расмий Киев, Европа Украинани арзон риверсив газ билан таъминлашдан бош тортгач, табиий газни икки томонлама фойдали шартларда Россиядан харид қилишга розилик билдирган эди. 

Украин ҳукуматининг ҳисоб-китобларига кўра, 1 минг куб метр газ 130 доллар атрофида бўлиши, иқтисодий жиҳатдан ўзини оқлайди. Ҳозирги вақтда, «Газпром» Украинага табиий газнинг минг куб метрини 180 доллардан сотмоқда.