Ўзбекистон президенти Ислом Каримов Озарбайжон республикаси президенти Илҳом Алиевни Республика куни муносабати билан табриклаган. Бу ҳақда Озарбайжон раҳбарининг матбуот хизмати хабар тарқатди.

"Ҳурматли Илҳом Ҳайдарович. Озарбайжон миллий байрами - Республика куни муносабати билан самимий табригимни ва илиқ тилакларимни қабул қилинг", дейилади табрик мактубида.

"Ўзбекистонда сизнинг раҳбарлигингизда олиб борилаётган сиёсат ва ислоҳотлар диққат билан кузатиб борилади. Бу ислоҳотлар Озарбайжоннинг халқаро майдондаги нуфузи мустаҳкамланишда давом этишини таъминлайди", дея қайд этилган табрикномада.

Ислом Каримов Ўзбекистон ва Озарбайжон ўртасидаги дўстона муносабатлар икки томонлама ишонч ва ҳурмат асосига қурилганини таъкидлаган ва икки мамлакат ҳам ўзаро алоқаларнинг ривожланишидан бирдек манфаатдорлигига урғу қаратган.