Таиландлик киши 3 метрли (10 фут) илон билан қонли тўқнашувдан кейин соғлиғини қайта тикламоқда. У сув қувури орқали ҳожатхонага кириб олган ва уй эгасини чаққан.

Аттапорн Бунмакчуай тай телеканаллари ундан шифохонада интервью олган чоғида жилмайиб қўйди, шифокорлар унинг соғайиб кетишини айтишди. Бироқ Бангкок шарқидаги Чачоенгсао провинцияси ҳожатхонасида олинган қонли суратлар унинг қийин синовларга дучор бўлганини кўрсатиб турибди. 

38 ёшли вазият қурбони 7-телевизион каналига хотини ва қўшниси келиб қутқаргунга қадар илондан халос бўлиш учун 30 дақиқа бор кучи билан курашганини айтди. Хотини илонни боғлаб қўйганидан сўнг Аттапорн ташқарига чиқди. 

Рат газетаси фавқулодда вазият ходимлари Осиё услубидаги ҳожатхонадан ўтган питонни олиб, ёввойи табиат қўйнига қайтаришганини  маълум қилди. 

Шифокорлар қонга беланган бўлса-да, аммо чекинмаган Аттапорннинг соғлиғи қайта тикланишини маълум қилишди.

"Унинг хотини ва фарзандлари шок ҳолатида бўлишига қарамай, Аттапорн ўзини жуда яхши тутмоқда. У жилмайди ҳамда кун бўйи тўшакда ётган ҳолида интервью берди", - дейди шифохона раҳбари Чутима Пинчар.