Adobe Photoshop фотомуҳаррирининг янги версиясида айлантириш натижасида йўқолган айрим деталлар ва кадрли тасвирлар мустақил равишда қайта тикланадиган бўлди. Бу ҳақда компания твиттерида маълум қилинган.

Айлантириш натижасида пайдо бўлган бўш жойлар кадрлаш ёрдамида йўқ қилинарди. Шу боис оригинал кадрдаги айрим деталлар йўқолиб қоларди. Компания ушбу муаммони ҳал этиш йўлини топди.

Photoshop’нинг янги версияси мавжуд тасвир асосида ишлайди. Дастур мустақил равишда ҳаракатланиши учун Crop қурилмаларидаги Content-Aware функциясини ишга тушириш зарур бўлади. Бу муҳаррирга суратни мустақил равишда кўрсатилган ҳажмда чизиш имконини беради.