Ислом дунёси Россия тимсолида долзарб муаммоларни ҳал этишда ёрдам берувчи ишончли иттифоқчисини топиши мумкин, деди Россия президенти Владимир Путин "Россия - ислом дунёси" стратегик назар гуруҳи мажлисининг иштирокчиларига. Бу ҳақида РИА "Новости" хабар беради.

"Шуни таъкидлашни истардимки, ислом дунёси доимо Россия тимсолида долзарб муаммоларни ҳал қилишда ёрдам кўрсатишга тайёр ишончли иттифоқдошини кўриши мумкин. Биз мусулмон давлатларининг халқаро муносабатларда адолат тамойиллари, қонун устуворлигини мустаҳкамлаш бўйича фаол позициясини қўллаб-қувватлаймиз", - деди у. 

Путин шунингдек гуруҳнинг мазкур йиғилиши Россия ва мусулмон давлатлар ўртасидаги ишонч ҳамда ўзаро ҳамкорликни янада мустаҳкамлашига умид билдирди.