«Манчестер Юнайтед» ва жамоанинг янги бош мураббийи Жозе Моуриньо ўртасидаги шартноманинг молиявий жиҳатлари маълум қилинди.

The Telegraph нашри хабарига кўра, португалиялик мутахассис билан 3 йиллик шартнома имзоланган. Унга йилига 12 миллион фунтлик маош тайинланган.

Моуриньонинг «МЮ»га бош мураббий сифатида тайинлангани ҳақида яқин соатлар ичида эълон қилиниши кутилмоқда.

Бундан олдинроқ манчестерликлар раҳбарияти Жозе Моуриньо «Челси»дан кетгач, ярим йил давомида бошқа клубларнинг таклифини қабул қилмаслиги учун унга 4 миллион фунт стерлингни олдиндан тўлагани ҳақида хабар берилганди. Шунингдек, унга ёзги трансферлар вақтида жамоани кучайтириш учун 150 млн фунт ажратилиши айтилган.