Туркия ташқи ишлар вазири Мавлут Човушўғли АҚШнинг Сурия курдларининг Демократик иттифоқ партиясига нисбатан позициясини иккиюзламачилик деб атади. Бундай дейишига сабаб, ОАВда чиққан Суриядаги Америка махсус кучларининг суратида ҳарбийлар курдларнинг Демократик иттифоқ партиясининг мудофаа кучлари рамзи туширилган камуфляжда бўлишган.

"Терроризм билан курашаётган иттифоқдошларимизнинг террорчи ташкилот рамзидан фойдаланиши ақлга сиғмайди. Бу иккиламчи стандартлар ва иккиюзламачилик", - маълум қилди Човушўғли журналистларга. 

АҚШ Суриянинг шимолида курдларни қўллаб-қувватламоқда, чунки улар курдларнинг ИШИД билан курашишишга ишончи комил. Тойиб Эрдўған Демократик иттифоқ партиясини (ДИП) қўллаб-қувватлагани учун Вашингтонни бир неча маротаба танқид остига олган. Ўз навбатида расмий Анқара ДИПни Туркияда тақиқланган Курдистон Ишчи партияси билан боғлиқ деб ҳисоблайди, шу боис улар Америка ҳукуматини Туркия ва ДИПдан бирини танлашга чақирди. Бироқ Вашингтон ДИПни террорчи гуруҳ деб тан олишдан бош тортмоқда.