O‘zbekistonda gaz-ballon uskunasi o‘rnatilgan avtomobillar «Diqqat gaz» belgisi bilan ajratiladi

Yagona interaktiv davlat xizmatlari portalida avtomobil va suv transporti agentligi rahbarining "Tabiiy siqilgan, suyultirilgan gazlarda yoki dizel va gaz yoqilg‘isi aralashmasida harakatlanuvchi avtotransport vositalarining yong‘inga qarshi himoya hamda xavfsizlik texnikasi instruksiyasini tasdiqlash haqida" buyrug‘i loyihasi muhokama qilinmoqda.

Ushbu hujjatda, xususan, gaz ballonda haraktlanuvchi avtomobillarga nisbatan  «Diqqat gaz» belgisini joriy etish taklifi berilgan.

Metall gaz ballonlarining xizmat qilish muddati ishlab chiqaruvchi zavod tomonidan belgilanadi:

- siqilgan tabiiy gaz ballonlari uchun - 15 yil yoki 15 ming marta to‘ldirish;

- suyultirilgan gaz ballonlari uchun - 15 yil.

Xizmat muddati tugagandan so‘ng (yoki 15 ming marta to‘ldirilgandan so‘ng) gaz ballonlari utilizatsiya qilinadi.

Avtotransport vositasiga o‘rnatilgan barcha gaz barcha gaz ballonlari belgilangan muddatga muvofiq davriy texnik taftishdan o‘tishi lozim:

- siqilgan tabiiy gaz ballonlari - uch yilda bir marta;

- suyultirilgan gaz ballonlari - ikki yilda bir marta.

Mazkur instruksiya avtomobildagi gaz ballon uskunasining montaj ishlarini ishlab chiqaruvchi zavodda yoki maxsus ixtisoslashtirilgan tashkilotda amalga oshirilishini ko‘zda tutadi. 

O‘zbekistonda avtotransport vositalariga faqat metall korpusli siqilgan tabiiy gaz ballonlarini o‘rnatishga ruxsat beriladi.

Siqilgan va suyultirilgan tabiiy gaz ballonlarida harakatlanuvchi avtomobillarning gaz ballonlari qizil rangga bo‘yalib, ularda "metan" va "propan butan" yozuvlari bo‘ladi.