Хитой Жанубий Хитой денгизидаги Юнсиндао (Вуди, Парасел ороллари) оролига учувчисиз айғоқчи самолётларини жойлаштирди, деб хабар қилмоқда "Сина" ахборот портали.

Маълумотларга кўра, узоқ масофага учувчи Harbin BZK-005 аппарати илк маротаба оролнинг сунъий йўлдош орқали олинган суратида қайд этилган. У 40 соат мобайнида ҳавода уча олади. Шунга кўра, ундан разведка ва патруллик амалиётларини ўтказиш мақсадида фойдаланиш мумкин.  

Охирги вақтларда, Хитой архипелагдаги ҳарбий инфратузилмаларни фаол равишда кучайтирмоқда. Хусусан, Юнсиндао оролига иккита HQ-9 зенит-ракета мажмуалари, J-11 қирувчи ва JH-7 қирувчи-бомбардимончи самолётлари батареялари жойлаштирилган. Бундан ташқари, ўрта масофага уча оладиган кемаларга қарши YJ-62 ракеталари ҳам бор.