Шимолий Корея унинг чегарасини бузиб ўтувчи Жанубнинг ҳар қандай кемасини сўзсиз ўққа тутиши ҳақида пўписа қилди, деб хабар бермоқда «Ренхап». Сариқ денгиздаги демаркация қилинган чегара чизиғи Корея ярим оролидаги баҳсли ҳудуд саналади.

КХДР армияси бош штаби бу қарорни шимолликларнинг балиқчи ёки патруль кемалари чегара чизиқларини кесиб ўтганда жанубликларнинг ҳарбий-ҳаво кучлари ҳавога қарата ўқ отишганидан сўнг қабул қилди.

«Шундай экан Жанубий Кореянинг бирор бир қайиғи ёки кемаси ҳарбий деморкация қилинган чизиқдан 0,001 мм кесиб ўтган тақдирда ҳам уларга қарата огоҳлантиришсиз ўт очилади», — деб иқтибос келтиради Корея марказий телеграф агентлиги ўз хабарида.