Хитойнинг Dalian Wanda Group конгломерати режалаштирилган 15 та тематик кўнгилочар боғдан биринчисини ишга туширди, деб ёзмоқда Business Insider нашри. "Дийнеслейд" рақобатчиси Wanda City боғи Цзянси вилоятининг пойтахти Наньчанда очилди.

Тематик кўнгилочар боғ 2 квадрат км лик майдонга эга савдо марказлари, 80 гектар аттракцион, кинопарк, аквариум ва меҳмонхоналарни ўз ичига олди.

"Биз биринчи бўлмоқчимиз ва асосий урғуни маданий қадриятларга қаратмоқчимиз", деб айтди конгломерат асосчиси Ван Цзяньлинь.

Тадбиркор Шанхайда " Диснейленд" очилишига изоҳ бериб, "Микки-Маус ва Дональд Дакка қизиқиш, Дисней вивескаларининг липилловчи чироқлари ортидан бориш даври якунланганини" айтди.

Цзяньлинь "Диснейленд" Wanda City боғлари билан рақобат қила олмаслигини, чунки "йўлбарс бўрилар тўдасига халақит қила олмаслигини" айтди.

Business Insider маълумотларига кўра, Wanda City’нинг умумий инвестициялар ҳажми 22 млрд юанни (3,4 млрд долларни) ташкил қилади.