13 май куни 32Red номли букмекерлик компанияси чемпионшип вакили «Лидс» жамоаси билан ҳомийлик шартномаси тузилгани ҳақида маълум қилганди. Келишув 2 мавсум учун тузилган ва компания бренди жамоа футболчиларининг футболкаси кўксига жойлаштирилади. 

Жамоа бу келишувдан яхшигина даромад қилган бўлсада, «Лидс» мухлисларининг катта қисми ижтимоий тармоқларда бу келишувга кескин тарзда норозиликларини билдиришган. «Лидс»нинг принципиал рақибларидан бири — «Манчестер Юнайтед» жамоаси «қизил иблислар» лақабига эга ва бу жамоа анъанавий равишда қизил рангли футболкаларда ўйнайди. 

«Лидс» фанатлари ҳомий компания раҳбариятига бу келишув улар учун муҳим бўлса, ўз номини 32White қилиб ўзгартиришни таклиф қилган.

Jackpot хабарига кўра, мухлислар бу шартномадан ўзларини таҳқирланган каби сезишмоқда.