Хитой ҳукумати яқин уч йил ичида транспорт инфратузилмасини қуриш бўйича лойиҳаларни амалга ошириш учун 4,7 трлн юан (725 млрд доллар) инвестиция киритишни режалаштирмоқда, деб маълум қилди Хитой Халқаро радиоси. 

Бу вақт ичида 300 дан кўпроқ яқин лойиҳа амалга оширилади. Кўплаб лойиҳалардан мақсад мамлакатнинг чекка ва ночор ҳудудларидаги транспорт тармоғини ривожлантиришдан иборат. Асосан автомобиль ва темир йўллари қурилиши бўйича лойиҳаларни амалга ошириш режалаштирилмоқда. 

Маълум қилинишича, бу лойиҳаларнинг амалга оширилиши ҳукуматнинг 2020 йилга Хитойнинг барча фуқаролари камбағаллик чегарасидан юқори даражада яшаши кераклиги ҳақидаги режаларини ҳаётга татбиқ қилишда ёрдам беради. 

Аввалроқ Хитой ҳукумати чоп этган маърузага кўра, 2016 йилда темир йўл қурилишига инвестициялар 800 млрд юанни (123 млрд доллар) ташкил қилади. Жорий йилда темир йўл ва автомобиль транспорт инфратузилмасига умумий инвестициялар 2,45 трлн юанни (377 млрд доллар) ташкил қилади.