«Барселона» жамоаси Ироқда ИШИД террорчилари томонидан «Реал» мухлисларининг ўлдириб кетилишидан кейин жамоага таъзия билдирди.

«Террорчилар Ироқда яна бир бор «Реал» мухлисларига ҳужум қилди. «Барселона» ўз ҳамдардлигини ва қўллаб-қувватловини билдиради», – дейилади кўк-анорранглилар жамоаси расмий твиттерида.

28 май оқшомида Ироқда 4 нафар жангари «Реал» мухлислари ЕЧЛ финалини томоша қилаётган хонага бостириб кирган ва ўт очган. Дастлабки маълумотларга кўра, ҳужум оқибатида 12 киши ҳалок бўлиб, 8 киши жароҳатланган.

Жангарилар воқеа жойидан қочиб кетишган. Ироқ ҳукумати бу ҳужум учун жавобгарликни ИШИД зиммасига юклаган.