Мусулмон оиласи, оилани режалаштириш ва туғилишни назорат қилиш билан шуғулланмаслиги керак, деб баёнот берган Туркия президенти Режеп Тайип Эрдўған.

"Биз аҳолимиз сонини кўпайтирамиз. Бирон бир мусулмон оиласи туғилишни назорат қилиш ва оилани режалаштириш устида ўйлай олмайди. Бу ерда, асосий масъулият оналар зиммасидадир", — деган Эрдўған Ёшлар ва таълим жамғармаси вакиллари олдидаги чиқишида. Учрашувни NTV телеканали жонли равишда эфирга узатган.

Бундан аввал, Эрдўған контрацептивлардан фойдаланишга йўл қўймаслик хусусида сўз юритиб, уни "ватанга хиёнат" сифатида баҳолаган эди.