Компьютер хавфсизлиги бўйича мутахассис Крис Томас АҚШ мудофаа вазирлиги нима учун ядро қуроллари бошқарув тизими маълумотларини сақлашда 8 дюймли дискеталардан фойдаланишини тушунтириб берди, деб ёзмоқда Tech Insider.

Томаснинг айтишича, вазирлик дискетасини ўқиш учун фойдаланиладиган IBM Series 1 компьютери интернет ва бошқа тармоқлардан бутунлай узиб қўйилган. Бу эса, ўз навбатида, унинг хавфсизлигини таъминлайди. Шу сабабли, уни бузиш учун қурилмадан бевосита фойдаланиш лозим. Бундан ташқари, ушбу ҳисоблаш техникаси ўзининг сифатини бир неча бор намойиш этган. 

«Захира нусхаларига эга дискеталар ҳам яроқсиз ҳолга келмагунча ва янги дискеталар мавжуд бўлар экан, ундан 40 йилдан кўп вақтдан бери фойдаланишга тўсқинлик қиладиган бирон сабаб йўқ», — деган Томас. 

Бундан аввал, АҚШ ҳисоб палатаси, ўз ҳисоботида мамлакат маъмуриятларида эскирган техникалардан фойдаланилаётгани хусусида сўз юритган эди. Хусусан, мудофаа вазирлиги ихтиёрида 40 йил аввалги компьютерлар мавжудлиги қайд этилганди.