Варшава округ ҳарбий суди польяк подполковнигини Россия учун жосуслик қилганликда айбдор деб топиб, олти йиллик қамоқ жазосига маҳкум этди, деб хабар қилмоқда РИА «Новости» агентлиги.

«Варшава ҳарбий суди Польша армияси офицери подполковник Збигнев Ю.ни Россия учун жосуслик жиноятини содир этганликда айбдор деб топиб, унга 6 йиллик қамоқ жазосини тайинлади», — дейилади суд хабарномасида. 

Қайд этилишича, ҳукм 26 апрелдаёқ ўқилган, бироқ судланувчи илгари сурилган айблов ва жазога ўз хоҳиши билан рози бўлгани сабаб шу пайтга қадар эълон қилинмаган. 

Айрим маълумотларга кўра, Збигнев, Россия разведкаси томонидан ёлланган польяк аскарлари рўйхатини тақдим этган.