Россия халқ артисти Сергей Безруков Россиянинг Суриядаги Хмеймим авиабазасидаги байрам концертида иштирок этган. Тантана авиабазада маданият маркази очилиши муносабати билан ташкил этилган. У Владимир Висоцкий қўшиқларини ижро этиб, Сергей Есениннинг бир нечта шеърларини ўқиб берган.

Унинг айтишича, ушбу маданият маркази Россия-Сурия дўстлигининг ҳақиқий марказига айланади. Артистнинг фикрича, Суриядаги россиялик ҳарбийлар учун ватани билан алоқани узмаслик муҳим аҳамиятга эга. Янги марказдаги концертлар ва кўргазмалар эса рус ҳарбийларининг ўзларини ватанларига янада яқин ҳис қилишларига имкон беради. 

Концертда шунингдек, РФ ҳаво-космик кучлари қошидаги ансамбли ҳамда Сурия болалар ижодий жамоалари қатнашган.