ФҚБ томонидан қидирилаётган энг хавфли жиноятчилардан бири АҚШда қўлга олинди. Бу ҳақида РИА "Новости" хабар берди

Гап апрель ойида ўзининг ҳомиладор дугонасини ўлдирган Филип Патрик Поликарпио ҳақида кетмоқда. Лос-Анжелесдан қочиб кетганидан бери ФҚБ унинг номини энг кўп қидирилаётган ўн нафар жиноятчи қаторига қўшиб қўйганди. 

ФҚБ расмий вакили Лора Аймиллернинг берган маълумотига кўра, Поликарпиони ўтган якшанба куни Сан-Диегода Мексика орқали АҚШга ўтаётганида қўлга олишган. 

Associated Press ахборот агентлиги ўз навбатида Поликарпионинг ўз "жиноят тарихи"га эга эканлигини аниқлаган. 2001 йилда у ўқ узувчи қурол билан зўравонлик ишлатишда айбланган, аммо охир-оқибат афв этилган.