Apple компанияси iPhoneнинг тубдан ўзгарган турини ҳар икки йилда эмас, балки уч йилда бир марта тақдим этишни режалаштирмоқда. Бу ҳақида Nikkei япон газетаси хабар берди. 

Nikkei газетасининг фикрига кўра, Apple компанияси сиёсатининг бундай ўзгариши смарфтон бозори ривожланишининг тўхташи, шунингдек, бу соҳада “инновациялар учун бўшлиқларнинг” йўқлиги сабаб бўлмоқда экан. 

Нашрда ёзилишича, 2016 йилнинг кузида Apple iPhone 6 ва iPhone 6sдан унча фарқ қилмайдиган смартфонни ишлаб чиқаради. 

Янги қурилма яхшиланган камера ва батарея, шунингдек, кўплаб миш-мишларга мувофиқ, қулоқчинлар учун анъанавий портдан ҳоли бўлади.  Умуман олганда, сонли версиядан «s» версияга ўтгани каби янгиланишда ҳам катта ўзгаришлар кутилмайди. 

Nikkei нашрида кузда намойиш этилувчи қурилма қандай номланиши маълум қилинмаган, бироқ Apple’нинг тубдан ўзгарган дизайнли модели 2017 йилда тақдим этилади.